حامد زيد ماتقبلت الفراق وماليدي فية حيلة

**الشملوله** الأحد سبتمبر 13, 2009 12:18 pm

مقاطع من أشعار حامد زيد ماتقبلت الفراق وما ليدي فيه حيله
آه لو ان الظروف المقبله تكشف قدرها
لو يعرف الشخص منّا وش مع الغيب ابيجي له
كان جنبنا المشاكل من قبل يوقع ضررها
ما هقيت الليله اللي جابت الفرقا طويله
لين صارت ليلة امس بعيني اطول من شهرها
والعذاب اللي يذوب بعين من يفقد خليله
عندي اكبر من عذاب العين لو تفقد نظرها
والحبيب اللي صدوده مثل مداته جزيله
صد عني واعرفه لو صد عن حاجه هجرها

(2)

موت فيني واندفن فيك بثياب الحداد
وان حييت أموت لرضاك واحيا بك بهون
مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون
ادري ان شجونك شجون واعنادك عناد
والبلا ان عنادك عناد وشجونك شجون
ربك اللي سخرك لي تقود وما تقاد
والله الخالق ولله في خلقه شؤون
ازرع ضلوعي من رضاك وابشر بالحصاد
لعنبو من جيت ترضيه وترد امحزون
بس تسوالك بلد ؟ قول تسوالك بلاد
انت كل العالم بكون ولحالك بكون
(3)

ماهقيت ان السعادة خيال في خيال
تروى قلوب الحبايب وقلبي ما روى
كنت ابشتال الهوى والهوى ثقل الجبال
وان تحملت الجبل ما تحملت الهوى
كنت ابسلى بالهوى والهوى صعب المنال
ما رضا لي حظي اللي طواني وانطوى
قلت لا فراحي تعالي ولا قالت تعال
والخفوق ان قلت ابقبل على صدي نوى
الله أكبر لا شرقت شمس يتلاها زوال
كيف ابفرح في صباح مع الليال استوى؟
لاحصل بالحب قسمة ولا جا لي مجال
غير اشوف معاند الجرح وعناد الدوى
(4)
أنا جيت اعشقك نبض ومشاعر ما اعشقك تمثال
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
(5)
لوتحب أكتب كتبت ولو تحب أمحي محيت
وش بغيت أمر تمنى لايغرك صغر سني
شايف أنجوم الثريا جبتها لك لو بغيت
لو بعيش أعطي كفوفك مثل ماكفوفك عطني
لاتحسب أني بوفي لو عطيت ولوعطيت
أشهدني ماوفيت ولو وفيت أنشهدني
قلت عن نفسي مقصرواشهدني ماوفيت
لأنك أغلى من عروقي والوريد اللي سكني
واعتزازك تاج يبقى فوق راسي ماحييت
لأختلف فيك شخص ضنك لازم أخلف فيه ضني
وأن رويت الماي بروى مثل ماأضمى لاضميت
وأنزعلت أزعل وأبرضى لارضى قلبك لأني
واجب أزعل لازعلت وواجب أرضى لارضيت
انت مثل البحر تعطي والعطى ثقل وتأني
بس هو يعطي وياخذ وأنت ماعمرك خذيت

**kLaAsH07** الأحد سبتمبر 13, 2009 12:31 pm

مشكوووووووووووووووووووره على الشعر

MakkaWy الجمعة سبتمبر 25, 2009 2:18 pm

مشكوووووووووووووووور

حامد زيد ماتقبلت الفراق وماليدي فية حيلة

حامد زيد ماتقبلت الفراق وماليدي فية حيلة

رد: حامد زيد ماتقبلت الفراق وماليدي فية حيلة

رد: حامد زيد ماتقبلت الفراق وماليدي فية حيلة